Pop Ups
ES-Factory POP UP é un programa de impulso á economía social que crea espazos comerciais efémeros como contornas reais de experimentación, aprendizaxe e visibilización. Está deseñado para facilitar o acceso ao mercado, testar produtos e servizos en condicións reais e achegar os proxectos de economía social á cidadanía, favorecendo a súa consolidación e crecemento.
ES-Factory POP UP
É un programa de impulso de proxectos de economía social a través da creación de espazos comerciais efémeros, concibidos como contornas reais de experimentación e aprendizaxe para achegar os seus produtos e servizos ao público.
Nestes espazos, os proxectos participantes poderán probar as súas propostas nunha contorna real, avaliar a súa acollida, recoller información directa e mellorar os produtos e servizos que ofrecen.
Obxectivos?
01.
Achegar os seus produtos e servizos ao público, xerando un contacto directo coa cidadanía e dando a coñecer propostas de economía social en espazos comerciais reais.
02.
Probar as súas propostas nunha contorna real, validando ideas, formatos e modelos de venda en condicións de mercado.
03.
Avaliar a acollida do mercado, analizando a resposta do público e o interese xerado polos produtos e servizos ofrecidos.
04.
Recoller información directa das persoas consumidoras, obtendo feedback cualitativo e cuantitativo que axude á toma de decisións.
05.
Mellorar e adaptar os seus produtos e servizos, incorporando as aprendizaxes obtidas para reforzar a súa viabilidade e competitividade.
Proxectos e persoas participantes
Persoas emprendedoras
Persoas emprendedoras da Eurorrexión Galicia–Norte de Portugal interesadas en crear e impulsar proxectos empresariais de economía social.
Proxectos de economía social
Proxectos de economía social promovidos por empresas do territorio transfronteirizo xa creadas e en fase de consolidación, que desexen acelerar o seu desenvolvemento ou dar un salto de escala mediante novos produtos, liñas de negocio ou procesos de xestión.
Empresas de Galicia e do norte de Portugal
Empresas de Galicia e do norte de Portugal baixo outras fórmulas xurídicas, sempre que sexan propiedade de entidades de economía social.
Galería
